ජලය කියන්නේ අත්‍යවශ්‍ය සාධකයක් කියන එක අපි හැමෝම දන්නා රහසක්. කිසිම අපහසුවකින් තොරව තවමත් පිරිසිදු පානිය ජලය සොයා ගන්න පුළුවන් වටපිටාවක ජිවත් වෙන අපි, ජලය පානයෙන් ලැබෙන වැසි ගැන හරියට තේරුම් අරගෙන නැති නිසා වර්තමානයේ බොහොමයක් ලෙඩරෝග වලින් පීඩා විදිනවා.
ඉතින් ඔබ තුල ඇති වැරදි අවබෝධයන් නැති කරගෙන අද ඉන්දන්වත් හරියට වතුර බොන්න පුරුදු වෙන්න.
නිරෝගීව ජිවත්වීමට පෝෂ්‍යදායී ආහාර වේලක් වගේම ජලයද අත්‍යවශ්‍ය සාධකයක් බව ඔබ මතක තබා ගත යුතුම දෙයක්. සාමාන්‍යයෙන් අපේ ශරීරයට දවසකට වතුර වීදුරු 08ක් වත් පානය කිරීම අත්‍යවශ්‍යයි. නමුත් ඔබ දවසකට වතුරු වීදුරු 08ක් බොන්න ඕනේ කියලා, ඔබට මතක් වුන වෙලාවක එකපාරම වතුර විදුරු ගණන් බොන එක නම් වැරදියි. මොකද ඒකෙන් වෙන්න නැති ලෙඩ දාගැනීමක් විතරයි.
ඔබ කාර්යබහුල පුද්ගලයෙක් වුනත්, පැය 1/2 කට සැරයක් වතුර උගුරු 3 ගානේ වත් බොන්න පුරුද්දක් ඇතිකර ගත්තොත් ඔබට නොදැනීම දවසට අවශ්‍ය ජල ප්‍රමාණය ලබා ගන්න පුළුවන්. මේ විදිහට වතුර බොන එක අපේ ශරීර සෞඛ්‍යයට ඉතාමත් යහපත්. නමුත් සමහරු සැරින් සැරේ washroom යන්න වෙන නිසා වතුර බොන එක හිතාමතාම අතපසු කරනවා. ඒ වුනත් මේ විදිහට වතුර බොන්න පුරුදු වුනොත් නම් ඔබට washroom යන එක ලොකු ගැටළුවක් වෙන එකක් නම් නැහැ .
ඔබ වතුර බොද්දි කරන තවත් වැරැද්දක් තමයි, කෑම ගන්න අතරතුර වතුර බොන්න පුරුදු වෙලා ඉන්න එක. එමගින් ආමාශයෙන් ශ්‍රාවය වන ආමාශයික යුෂය තනුක වී ආහාර දිරවීමේ ගැටලු ඇති වෙන්න පුළුවන් වගේම කෑම කාලා ඉවර වෙච්ච ගමන් වතුර විදුරු ගණන් බොන එකත් ශරීරයට හොද නැහැ. කෑම කෑවට පස්සේ වතුර උගුරක් දෙකක් බොන එක වගේම පැය 1/2 කට පස්සේ වතුර උගුරු කිහිපයක් බොන්න පුරුදු වෙන්න එකත් හොදම ක්‍රමය විදිහට හදුන්වන්න පුළුවන්. ඒ වගේම ව්‍යායාම කරපු ගමන්, කෑම ගොඩක් අරන් ඉන්න වෙලාවටත් එකපාර වතුර ගොඩක් බොන එකත් සුදුසු වෙන්නෙ නැ.
පුරුද්දක් විදිහට ඔබ උදෑසන හිස්බඩ මදරස්නෙන් වතුර වීදුරුවක් බොන්න. නින්ද නිසා පැය 8 ක් විතර වේලිච්ච ඔබේ ශරීරයට මේ වැටෙන වතුර වීදුරුවා නිසා ඔබේ මුළු ශරීරයම ප්‍රාණවත් කරන්න උදව් වේවි. හැබැයි වතුර බීලා පැය 1/2 ක් විතර යනකම් කිසිම ආහාරපානයක් ගන්න එපා. ඒ වගේම ඔබ ගැස්ට්‍රික් රෝගයෙන් පීඩාවිදිනවානම් මේ පුරුද්දෙන් ඔබට යහපත් ප්‍රතිඵලයක් ලබා ගන්න පුළුවන් වේවි. ඒ වගේම ඔබ තරමක් ස්ථුල පුද්ගලයෙකු නම් උදෑසන අවදි වූ වහාම මදරස්නෙ වතුර වීදුරුවකට මී පැණි තේ හැඳි 1/2 ක් පමණ දමා බොන්න එය ස්ථුලභාවය මට්ටු කරන්න ඔබට උදව් වේවි.
නිවැරදිව ජලය පානය කිරීමෙන් ඔබට වැළඳෙන බොහෝ රෝගාබාධවලින් මිදීමට අවස්ථාව පවතී. මූලිකවම ආහාර මාර්ගය ආශ්‍රිතව ඇතිවන රෝගවලින් වැළකී සිටීමට ඔබට හැකිය. මලබද්ධය, අර්ශස්, ග්‍රහණි, ගෑස්ටයිට්‍රිස් (අම්ලපිත්ත) මෙහිදී විශේෂ වෙයි.
එමෙන්ම, හිස ආශ්‍රිතව ඇතිවන රෝග – ඉරුවාරදය, කොඳු ඇට පෙළ ආශ්‍රිතව ඇතිවන රෝග, විශේෂයෙන් බෙල්ල ආශ්‍රිතව ඇතිවන රෝග වළක්වාගත හැකිය. මීට අමතරව, අස්ථි සම්බන්ධ රෝග (වාතකන්ටිකා) – උදෑසන නැගිටින විට විලුඹ බිම තැබීමට ඇති අපහසුතාව වළක්වාගත හැකි අතර, ශරීරයේ ඇති අනවශ්‍ය මේදය හා කොලොස්ටරෝල් ඉවතට ගමන් කිරීමද සිදුවෙයි.
එසේම, සමහර රෝග සඳහා ජලය ඖෂධයක් ලෙසද භාවිත වන බවද සඳහන් කළ යුතුය. එමෙන්ම, වකුගඩු ආශ්‍රිත රෝග – මුත්‍රා ගල් ඇතිවීමද නිවැරදිව පිරිසුදු ජලය පානය කිරීමෙන් වළක්වා ගන්න පුළුවන්.
ජලය නිසි ලෙස පානය කිරීමෙන් ඔබගේ සම නිරෝගී වීම හා පැහැපත් වීම, සෛල නිතර අලුත්වැඩියා වීමෙන් ඔබේ වයසට යෑමේ වේගයද අඩුවන බවද සිහියේ තබාගන්න.
එමෙන්ම, ජලය පානය කිරීමෙන් මතක තබාගැනීමේ ශක්තිය හා සිතීමේ ශක්තිය වර්ධනය කරගැනීමටද ඔබට හැකි වේ.
පහසුව නිසා වර්තමානයේදී දෙමවුපියන් තම දරුවන්ට නිරන්තරයෙන් කෘතීම වසවිෂ සහිත ආහාර පාන ලබාදීමට පෙළඹී තිබෙනවා. ඔවුනට ජලය වැඩිපුර පානය කිරීමට දීමෙන් එම ආහාරවල ඇති විෂ ගතිය මූත්‍ර සමග පෙරී යාමට උපකාරී වන බවද මෙහිලා සඳහන් කළ යුතුය.
මේ ලිපියෙන් ඔයාලා වතුර බොන art එක ගැන දැනගත්තනේ ඉතින් try කරලා බලන්නත් අමතක කරන්න එපා.
වෙළඳපලේ කෙතරම් ලස්සන පාවහන් තිබුනත් ඔබට ඇත්තේ අවපැහැ වුන නියපොතු සහිත දෙපා යුගලක් නම් සැම විටම දෙපා වැසුනු විලාසිතා වලට පමණක් සීමා වීමට ඔබට සිදු වෙනවා. එහෙමත් නතිනම් සෑම විටම නිය ආලේපන භාවිතා කිරීමට සිදුවේවි. ඉතින් ඔබේ මුහුණට දක්වන සැලකිල්ලෙ තරමටම නියපොතු ගැනත් සැලකිල්ලක් දක්වනවානම් ඔබ විසින්ම ඔබට පනවාගෙන ඇති සීමා වලින් මිදෙන්න ඔබට හැකි වේවි.
ඉතින් මේ සරල ක්‍රම අත්හදා බලලා ලස්සන නියපෙළක උරුම්කාරියක් වෙන්න.
ඔබට ස්වභාවිකව ලැබී ඇති නියපොත්තේ හැඩය එලෙසම පවත්වා ගැනෙන ආකාරයට නියපොතු කැපීම වඩා යෝග්‍ය වෙනවා. ඒ වගේම සතියට වරක් වත් නියපොතු කපන්න අමතක කරන්න එපා. ඔබේ නියපොතු නියාමාකාරයෙන් වර්ධනය වන්නේ නැතිනම් විටමින් ඊ කරල බැගින් නියපොතු මත ආලේප කර මසාජ් කරන්න.
ඔබට ඇත්තේ ඉක්මනින් කැඩෙන නියපොතු නම් ඒ සඳහා මඳ උණුසුම් ජලය බේසමකට ජෙලටින් ස්වල්පයක් දමා විනාඩි කිහිපයක් දෙපා දමාගෙන සිටින්න.
ඒ වගේම නිය ආලේපන තෝරා ගැනීමේදී ඇසිටෝන් අඩංගු නොවන නිෂ්පාදන තෝරා ගන්න. සෑමවිටම බේස් කෝට් එක ආලේප කර ඉන් පසුව නිය ආලේපන තවරා ඊටත් පසුව ටොප් කොට් එක ආලේප කරන්න. මෙහිදී දින දෙකකට වඩා එම නිය ආලේපන නියපොතු මත නොතිබීමට සැලකිලිමත් වීම තුලින් ඔබේ නිය පෙලට සිදුවිය හැකි හානි අවම කර ගැනීමට ඔබට හැකි වේවි.
නියපොතු පිරිසිදු කරගැනීම සඳහා ඔබට එලකිරි භාවිත කල හැකියි. ඒ වගේම රාත්‍රියට නියපොතු මත කෝමරිකා ආලේප කිරීමට හැකි නම් ඒමගින් නියපොතුවල අවශ්‍ය පෝෂණය බාහිරෙන් ලබා දීමට ඔබට හැකි වේවි.
ස්වභාවයෙන් කාන්තාවන් විලාසිතාවන්ට කැමතියි, නමුත් ඔබට ඇත්තේ ඉරිතැලුණු දුර්වර්ණ වූ දෙපා යුගලක් නම් කෙතරම් ලස්සන විලාසිතා කලත් වටිනා පාවහන් යුගල් පැලදුවත් එයින් ඔබ බලාපොරොත්තු වන ලස්සන නම් ලැබෙන්නේ නෑ. ඉතින් ඔබේ මුහුණ ගැන දක්වන සැලකිල්ලෙ තරමටම දෙපා ගැනත් සැළකිල්ලක් දක්වනවානම් එය ඔබේ ආත්ම අභිමානයටත් රුකුලක් වේවි කියලා අපි විශ්වාස කරනවා.
මේ සඳහා පළමුව ඔබේ දෙපා හොදින් පිරිසිදු කරගැනීම කල යුතුයි. නිය ආලේපන ගල්වා ඇත්නම් ඒවා ඉවත් කිරීම කලයුතුයි. සමේ රළු තැන් ඇත්නම් ඒවාද සියුම් කර ගැනීම සඳහා පියුමික් ස්ටෝන් එකක් භාවිතා කල හැකියි. නියපොතු දික්ව වැවී ඇත්නම් ඒවාද කොටට කපා ගැනීම කල යුතුයි.
ඉන් පසුව බේසමක් ගෙන මද උණුසුම් ජලය ස්වල්පයක් හා ලුණු කුඩු ස්වලපයක් දමා හොදින් කලවම් කරගන්න. දැන් හොදින් පිරිසිඳු කරගත් දෙපා එම බේසම තුලට දමා විනාඩි 10 ක් පමණ සිටින්න. ඉන් පසුව නැවත පිරිසිඳු ජලයෙන් සෝදා දෙපා තෙත මාත්තු කර ගන්න.
ඉන් පසුව දෙපා වල මැරුණු සම ඉවත් කිරීම සඳහා ස්ක්‍රබ් එකක් භාවිතා කරමු. එම ස්ක්‍රබ් එක සීනි වලට දෙහි බින්දු කිහිපයක් දැමීමෙන් වගේම මී පැණි, ඔලිව් තෙල් හා දුඹුරු සිනි මිශ්‍ර කරද පහසුවෙන්ම සකස් කරගත හැකියි.
ස්ක්‍රබ් කිරීමෙන් අනතුරුව පිරිසිදු කරගත් දෙපා මතට පැක් එකක් යොදමු.
මේ සඳහා ඔබට පොල් කිරි, කහ සහ මී පැණි යොදා ගෙන මිශ්‍රණයක් සාදා ගෙන ආලේප කල හැකියි. ඒ වගේම කහ, තිරිඟු පිටි, හාල්පිටි, නැවුම් කිරි සහ දෙහි යුෂ යොදාගෙනද මිශ්‍රණයක් සාදා ගෙන එය දෙපා මත ආලේප කර විනාඩි 40 කින් සෝදා ඉවත් කර ගන්න.
මෙමගින් දෙපා වල වියලි බව හා දුර්වර්ණ බව ඉවත් වී පැහැපත්, දිදුලන බවක් ලබා ගත හැකියි.
අවසානයට මෙලෙස පිරිසිදු කරගත් දෙපා වලට සුදුසු Moisturizing Cream එකක් ආලේප කරන්න.
ඉතින් මේ ආකාරයෙන් සතියට දෙවරක් මෙම සත්කාරය කිරීම මඟින් ලස්සන දෙපා යුහල හිමිකාරියක් වීමට ඔබටත් හැකියාව ලැබේවි.
ඔබේ යටිපතුල් පැලි අවපැහැ ගැන්වී තිබෙනවානම් ඔබ කෙතරම් මුදල් වියදම් කර ලස්සන පාවහන් යුගලයන් පැලන්දත් එයින් ඔබේ දෙපයට සුන්දරත්වයක් නම් එක්වන්නේ නැහැ. මුහුණේ පැහැපත් බව පිළිබඳව සිතනවා වගේම ඔබේ දෙපාවල නිරෝගීභාවය ගැන සිතීමත් වැදගත්. ඉතින් ඔබත් පුංචි වෙලාවක් වෙන් කරගෙන මේ ගැනත් සිතා බලන්න.
මේ සඳහා සමබල ආහාර වේලක් ලබා ගැනීම ඉතාම වැඳගත් වෙනවා. සෑම විටම දේශීය එළවළු පලතුරු ආහාරයට ගැනීමට පුරුදු වීමත් ක්ෂණික ආහාර වලින් හැකි පමණ වැලකී සිටීමෙනුත් ඔබේ සමට ගුණාත්මක අභ්‍යන්තර පෝෂණයක් ලබා දීමට උපකාරී වෙනවා. නිතර නිතර ජලය පානය කිරීමත් අත්‍යවශ්‍යයි.
ඔබ පාදයේ නියපොතු කැපීමේදී කෙටිව strait line එකක් සේ කැපීම සිදුකළ යුතුයි. නිය ආලේපන ගල්වනවා නම් දින 3 කට වරක් වත් nail remover එකක් භාවිතා කර එය ඉවත් කර ගත යුතුයි. එහිදී Aceton අඩංගු නොවන nail remover එකක් තෝරා ගැනීමට ඔබ සිහිතබා ගත යුතුයි.
මේ සඳහා පෞද්ගලික පිරිසිදුකමත් බලපානවා. සෑමවිටම භාවිතයට ගන්නා මේස් හා සපත්තු පිරිසිදුව තබා ගත යුතුයි. ඒ වගේම සෑම විටම ඔබට ගැලැපෙන පාවහන් වර්ග පමණක් තෝරා ගන්න. එමගින්ද දෙපයට සිදුවිය හැකි හානි අවම කරගැනීමෙන් දෙපා වල නීරෝගීභාවය ආරක්ෂා කරගත හැකිවේ. දෙපා සේදීමෙන් පසු විශේෂයෙන්ම ඇගිලිකරු අතර හොදින් තෙතමාත්තු කිරීමට මතක තබා ගන්න. එමගින් ඇගිලිකරු අතර ඇතිවිය හැකි ආසාදන අවමකර ගැනීමට හැකිවේ.
සබන් වෙනුවට දෙපා සේදීමට යොදා ගන්නා දියර වර්ග භාවිතයට පුරුදු වන්න එමගින් දෙපා වේලීම අවම කරගත හැකිවේ. මසකට වරක්වත් Pedicure සත්කාරයක් ලබා දීමට හැකි නම් එමගින් දෙපයේ මැරුණු සම ඉවත් කිරීමෙන් නිරෝගී දෙපා යුගලයක් හිමිකර ගත හැකියි.
ඔබගේ විලුඹේ සම ඝනකම් බවින් වැඩි නම් එම සම ඉවත් කිරීම පිහිතුලවල් ආදිය භාවිතා නොකරන්න. ඒ සදහා Pumice stone භාවිතයට හුරු වෙන්න. එමගින් විලුඹ පැලීම වලක්වා ගන්න පුළුවන් වෙනවා. තවද ඔබගේ දෙපා වල පැලීම් දක්නට තිබෙනවානම් සහ එම පැලීම් යම් යම් අත්බෙහෙත් කිරීමෙන් සුව වෙන බවක් දක්නට නොමැති නම් ඔබ වහාම ඒ සදහා වෛද්‍ය ප්‍රතිකාර ලබාගන්න දෙපාරක් සිතන්න එපා. නැතහොත් එම පැලීම් සමේ ගැඹුරට වර්ධනය වී රුධිරය වහනය වීම දක්වා තත්ත්වය හානිදායක විය හැකියි.
ඔබේ දෙපා ගැනත් සැළකිලිමත් වීමෙන් ඔබගේ සුන්දරත්වය ආරක්ෂා කරගන්න මේ ක්‍රම අත්හදා බලන්න. ඒමගින් ඔබට පහසුවෙන්ම සුන්දර නිරෝගිමත් දෙපා යුගලක් හිමිකර ගන්න පුළුවන් වේවි.
