අපි හැමෝම කැමතියිනෙ හැමදාම අපේ තරුණ පෙනුම ඒ විදිහටම පවත්වාගෙන යන්න. නමුත් අපේ වයස, අපේ පුරුදු, අපි ගන්නා ආහාරවල ගුණාත්මකභාවයන් මත මේ දේවල් වෙනස් වෙන්න පුලුවන්. වයසට යන විටදී සම රැළි වැටීම ස්වභාවිකයි. නමුත් තරුණ වයසෙදීම සම රැලි වැටේ නම් එය ඔබේ පෙනුමට කරන බලපෑම සුළුපටු එකක් නෙමෙයි.
ඒ සඳහා සම හොඳින් මසාජ් කිරීම තුලින් යහපත් ප්‍රතිඵල ලබා ගන්න පුලුවන්. මෙහිදී ක්‍රමානුකූලව කාලයක් එක දිගට මසාජ් කිරීම තුලින් සම රැලි වැටීමේ තත්වයන් මග හරවා ගන්න ඔබට පුලුවන්.
පළමුව මුහුණ හොදින් සෝදා ඔබ එදිනෙදා භාවිතයට ගන්නා තෙල් වර්ගයක් හෝ ක්‍රීම් වර්ගයක් ආලේප කරන්න.
1. මැද ඇඟිලි සහ දබර ඇඟිලි වලින් කම්මුල් දෙපස සම උඩු අතට මසාජ් කරන්න.
2. දබර ඇඟිලි දෙක නිකටේ හරි මැද තබා දෙපසට මසාජ් කරන්න.
3. නාසය කෙළවර සිට උඩු අතට දබර ඇඟිලි වලින් මසාජ් කරන්න.
4. ඇස් වසාගෙන ඇහිබැම යට දබර ඇගිලි මඟින් සියුම්ව පිරිමදින්න. ඇහේ යටි කොටස මහපට ඇඟිල්ලෙන් මසාජ් කරන්න.
5. දබර ඇඟිලි වලින් නළල දෙපැත්තට පිරිමදින්න.නිකටේ යටි කොටස් උඩු අතට මසාජ් කරන්න.
සුන්දර දෙතොලක් ඔබේ මුහුණට එක් කරන අලංකාරය කියල නිම කරන්න බැරි තරම්
Read More
දෙතොල් කියන්නේ මුහුණේ අලංකාරය වැඩි කරන ඉතාමත් සංවේදී ඉන්ද්‍රියක්. කාන්තාවන් විදිහට ඔබ දෙතොල් ගැන වැඩි අවදානයක් දීම වැදගත් වෙනවා. මොකද ඉරි තැලුන, අවපැහැ ගැන්වුන දෙතොල් ඔබගේ මුහුණට සුන්දරත්වයක් නම් එක් කරන්නේ නැහැ. ඉතින් ඔබත් සුන්දර දෙතොලක හිමිකාරියක් වීමට සිහින දකිනවා නම් දෙතොල් පිළිබද සැළකිලිමත් වී, මේ උපදෙස් කිහිපය අත්හදා බලන්න. ඔබටත් ටික දිනකින්ම පහසුවෙන්ම සුන්දර නිරෝගීමත් දෙතොලක් හිමිකර ගැනීමට හැකි වේවි.
