ජලය කියන්නේ අත්‍යවශ්‍ය සාධකයක් කියන එක අපි හැමෝම දන්නා රහසක්. කිසිම අපහසුවකින් තොරව තවමත් පිරිසිදු පානිය ජලය සොයා ගන්න පුළුවන් වටපිටාවක ජිවත් වෙන අපි, ජලය පානයෙන් ලැබෙන වැසි ගැන හරියට තේරුම් අරගෙන නැති නිසා වර්තමානයේ බොහොමයක් ලෙඩරෝග වලින් පීඩා විදිනවා.
ඉතින් ඔබ තුල ඇති වැරදි අවබෝධයන් නැති කරගෙන අද ඉන්දන්වත් හරියට වතුර බොන්න පුරුදු වෙන්න.
නිරෝගීව ජිවත්වීමට පෝෂ්‍යදායී ආහාර වේලක් වගේම ජලයද අත්‍යවශ්‍ය සාධකයක් බව ඔබ මතක තබා ගත යුතුම දෙයක්. සාමාන්‍යයෙන් අපේ ශරීරයට දවසකට වතුර වීදුරු 08ක් වත් පානය කිරීම අත්‍යවශ්‍යයි. නමුත් ඔබ දවසකට වතුරු වීදුරු 08ක් බොන්න ඕනේ කියලා, ඔබට මතක් වුන වෙලාවක එකපාරම වතුර විදුරු ගණන් බොන එක නම් වැරදියි. මොකද ඒකෙන් වෙන්න නැති ලෙඩ දාගැනීමක් විතරයි.
ඔබ කාර්යබහුල පුද්ගලයෙක් වුනත්, පැය 1/2 කට සැරයක් වතුර උගුරු 3 ගානේ වත් බොන්න පුරුද්දක් ඇතිකර ගත්තොත් ඔබට නොදැනීම දවසට අවශ්‍ය ජල ප්‍රමාණය ලබා ගන්න පුළුවන්. මේ විදිහට වතුර බොන එක අපේ ශරීර සෞඛ්‍යයට ඉතාමත් යහපත්. නමුත් සමහරු සැරින් සැරේ washroom යන්න වෙන නිසා වතුර බොන එක හිතාමතාම අතපසු කරනවා. ඒ වුනත් මේ විදිහට වතුර බොන්න පුරුදු වුනොත් නම් ඔබට washroom යන එක ලොකු ගැටළුවක් වෙන එකක් නම් නැහැ .
ඔබ වතුර බොද්දි කරන තවත් වැරැද්දක් තමයි, කෑම ගන්න අතරතුර වතුර බොන්න පුරුදු වෙලා ඉන්න එක. එමගින් ආමාශයෙන් ශ්‍රාවය වන ආමාශයික යුෂය තනුක වී ආහාර දිරවීමේ ගැටලු ඇති වෙන්න පුළුවන් වගේම කෑම කාලා ඉවර වෙච්ච ගමන් වතුර විදුරු ගණන් බොන එකත් ශරීරයට හොද නැහැ. කෑම කෑවට පස්සේ වතුර උගුරක් දෙකක් බොන එක වගේම පැය 1/2 කට පස්සේ වතුර උගුරු කිහිපයක් බොන්න පුරුදු වෙන්න එකත් හොදම ක්‍රමය විදිහට හදුන්වන්න පුළුවන්. ඒ වගේම ව්‍යායාම කරපු ගමන්, කෑම ගොඩක් අරන් ඉන්න වෙලාවටත් එකපාර වතුර ගොඩක් බොන එකත් සුදුසු වෙන්නෙ නැ.
පුරුද්දක් විදිහට ඔබ උදෑසන හිස්බඩ මදරස්නෙන් වතුර වීදුරුවක් බොන්න. නින්ද නිසා පැය 8 ක් විතර වේලිච්ච ඔබේ ශරීරයට මේ වැටෙන වතුර වීදුරුවා නිසා ඔබේ මුළු ශරීරයම ප්‍රාණවත් කරන්න උදව් වේවි. හැබැයි වතුර බීලා පැය 1/2 ක් විතර යනකම් කිසිම ආහාරපානයක් ගන්න එපා. ඒ වගේම ඔබ ගැස්ට්‍රික් රෝගයෙන් පීඩාවිදිනවානම් මේ පුරුද්දෙන් ඔබට යහපත් ප්‍රතිඵලයක් ලබා ගන්න පුළුවන් වේවි. ඒ වගේම ඔබ තරමක් ස්ථුල පුද්ගලයෙකු නම් උදෑසන අවදි වූ වහාම මදරස්නෙ වතුර වීදුරුවකට මී පැණි තේ හැඳි 1/2 ක් පමණ දමා බොන්න එය ස්ථුලභාවය මට්ටු කරන්න ඔබට උදව් වේවි.
නිවැරදිව ජලය පානය කිරීමෙන් ඔබට වැළඳෙන බොහෝ රෝගාබාධවලින් මිදීමට අවස්ථාව පවතී. මූලිකවම ආහාර මාර්ගය ආශ්‍රිතව ඇතිවන රෝගවලින් වැළකී සිටීමට ඔබට හැකිය. මලබද්ධය, අර්ශස්, ග්‍රහණි, ගෑස්ටයිට්‍රිස් (අම්ලපිත්ත) මෙහිදී විශේෂ වෙයි.
එමෙන්ම, හිස ආශ්‍රිතව ඇතිවන රෝග – ඉරුවාරදය, කොඳු ඇට පෙළ ආශ්‍රිතව ඇතිවන රෝග, විශේෂයෙන් බෙල්ල ආශ්‍රිතව ඇතිවන රෝග වළක්වාගත හැකිය. මීට අමතරව, අස්ථි සම්බන්ධ රෝග (වාතකන්ටිකා) – උදෑසන නැගිටින විට විලුඹ බිම තැබීමට ඇති අපහසුතාව වළක්වාගත හැකි අතර, ශරීරයේ ඇති අනවශ්‍ය මේදය හා කොලොස්ටරෝල් ඉවතට ගමන් කිරීමද සිදුවෙයි.
එසේම, සමහර රෝග සඳහා ජලය ඖෂධයක් ලෙසද භාවිත වන බවද සඳහන් කළ යුතුය. එමෙන්ම, වකුගඩු ආශ්‍රිත රෝග – මුත්‍රා ගල් ඇතිවීමද නිවැරදිව පිරිසුදු ජලය පානය කිරීමෙන් වළක්වා ගන්න පුළුවන්.
ජලය නිසි ලෙස පානය කිරීමෙන් ඔබගේ සම නිරෝගී වීම හා පැහැපත් වීම, සෛල නිතර අලුත්වැඩියා වීමෙන් ඔබේ වයසට යෑමේ වේගයද අඩුවන බවද සිහියේ තබාගන්න.
එමෙන්ම, ජලය පානය කිරීමෙන් මතක තබාගැනීමේ ශක්තිය හා සිතීමේ ශක්තිය වර්ධනය කරගැනීමටද ඔබට හැකි වේ.
පහසුව නිසා වර්තමානයේදී දෙමවුපියන් තම දරුවන්ට නිරන්තරයෙන් කෘතීම වසවිෂ සහිත ආහාර පාන ලබාදීමට පෙළඹී තිබෙනවා. ඔවුනට ජලය වැඩිපුර පානය කිරීමට දීමෙන් එම ආහාරවල ඇති විෂ ගතිය මූත්‍ර සමග පෙරී යාමට උපකාරී වන බවද මෙහිලා සඳහන් කළ යුතුය.
මේ ලිපියෙන් ඔයාලා වතුර බොන art එක ගැන දැනගත්තනේ ඉතින් try කරලා බලන්නත් අමතක කරන්න එපා.
රුධිරයේ හිමොග්ලොබින් නම් වූ සංයෝගය අඩු වූ විට ඇතිවන රෝගී තත්වය රක්තහීනතාවය කියන එක අපි කව්රුත් දන්නා දෙයක්. මෙහිදී හිමොග්ලොබින් සැදීමට නම් ආහාර වලින් ලැබිය යුතු සංඝටක වශයෙන් යකඩ, බී 12 විටමිනය, ෆෝලික් අම්ල, ප්‍රෝටීන් තිබීම වැදගත් බව නම් ඔබ ඒ හැටි නොදන්නවා විය හැකියි. ඉතින් මේ සංඝටක නිසි ආකාරයෙන් ඔබේ සිරුරට නොලැබීයාමෙන් රක්තහීනතාවයට ගොදුරු වීමට වැඩි ඉඩකඩක් පවතී.
යකඩ වලින් පොහොසත් ආහාර ලෙස තෝර කොළ, තම්පලා, නිවිති, ගොටුකොල, බෝංචි වර්ග, කලා ආදිය දක්වන්න පුළුවන්. ෆෝලික් අම්ලය ශාක ආහාර වල බහුලව පවතී. රැගෙන ආ අලුත ගොටුකොල, මුකුණුවැන්න, කතුරුමුරුංගා සම්බෝල වශයෙන් ආහාරයට ගැනීමෙන් ඔබේ ශරීරයට පහසුවෙන්ම මෙම විටමිනය ලබා ගන්න පුළුවන්. විටමින් බී 12, සත්ව ආහාර වශයෙන් සැලකෙන මස්, මාළු, කිරි, බිත්තර ආහායට ගැනීමෙන් ශරීරයට ලබා ගන්න පුළුවන්.
කාර්යබහුල ජිවිතයක් ගත කරන ඔබ උදැසන කෙටි ආහාර වේලකින් පමණක් සැහීමකට පත් වෙනවා නම් සමබල ආහාර වේලකට හුරුවෙන්න වෙනවා. ඒ වගේම ආහාර ගත් විගස තේ, කෝපි, පානය කිරීම, දුම් පානය, බුලත් විට කෑම නොකළ යුතුයි. ගැබිනි හා කිරි දෙන මව්වරුන් මේ තත්ත්වයෙන් වැළකෙන්න නම් කෙටි ආහාර වලින් වැලකි පෝෂ්‍යදායි ආහාර වේලකට හුරු විය යුතුයි.
ප්‍රධාන ආහාර වේලකට පසුව කොළ පාට පලතුරු වර්ග ආහාරයට ගැනීම, විටමින් සී අඩංගු දෙහි, දොඩම් යුෂ පානය කිරීම, පලා වර්ග පිසීමේදී අධික ලෙස සේදීම හා පිසීමද නොකළ යුතුයි. ඒ වගේම එළවලු පලතුරු වර්ග දිගු කාලයක් අසුරා තැබීමද නොකළ යුතුයි.
ස්වභාවික නැවුම් එළවලු පලතුරු ආහාරයට ගැනීම ශරීර සෞඛ්‍යට ඉතා ගුණ දේ. ඒ වගේම ඒවා කොළ පැහැති එළවලු පලතුරු වීමද වඩා වැදගත් වේ.
මොනරකුඩුම්බිය, හාතාවාරිය, හීන්බෝවිටියා කැඳ මේ සඳහා ගුණදායක වේ. ඒ වගේම රකතහීනතාවයෙන් පෙලෙන රෝගියෙක් සඳහා ව්‍යංජන සකස් කිරීමේදී එළවළු වර්ග බොහෝ වේලා පිසිම නොකල යුතුය.
ඉතින්, ඔබත් මෙම කෙටි ක්‍රම භාවිතා කර රක්තහීනතාවයෙන් ආරක්ෂා වෙන්න.
1. ලේ වඩවන ආහාර
පීකුදු, මස්, මුරුංගා, කතුරුමුරුංගා කොළ, මුකුණුවැන්න, සියඹලා, නිවිති, රතු තම්පලා, මෑ ඇට
2. ඇට මිදුළු වඩවන ආහාර
කුඩා මාළු, මස්, ධාන්‍ය වර්ග
3. මොළයට හිතකර ආහාර
ගොටුකොළ, ගිතෙල්, කිරි
4. හදවතට හිතකර ආහාර
මී පැණි, උළුහාල්, කූරු තම්පලා, දෙළුම්, නෙල්ලි, අඹ, තුඹ, සුදුලූණු, තිරිඟු
5. බඩගිනි වඩවන ආහාර
අමු ඉඟුරු, ගම්මිරිස්, තැම්බුම් හොදි, ධාන්‍ය වර්ග, සියඹලා, කරපිංචා, සුදුලූණු, මෙනේරි
6. මුත්‍රා වඩවන ආහාර
ඉරමුසු, ගොටුකොළ, පොල්පලා, පිපිඤ්ඤා, පුහුල්, රාබු, සාරණ
7. මේදය වඩවන ආහාර
වෙඩරු, ගිතෙල්, තලතෙල්, පොල්තෙල්
පුණ්‍ය කාලය
අප්‍රේල් 13
අපරභාග 01:59 සිට පූර්වභාග 02:47
අලුත් අවරුදු උදාව
අප්‍රේල් 13
අපරභාග 08:23
අහාර පිසීම
අප්‍රේල් 13
අපරභාග 10:05
සුදු පැහැති වස්ත්‍රාභරණයෙන් සැරසී නැගෙනහිර දිශාව බලා
වැඩ ඇල්ලීම, ගණුදෙනු කිරීම සහ ආහාර අනුභවය
අප්‍රේල් 13
අපරභාග 10:43
සුදු පැහැති වස්ත්‍රාභරණයෙන් සැරසී නැගෙනහිර දිශාව බලා
හිසතෙල් ගෑම
අප්‍රේල් 15
අපරභාග 07:17
පළාවන් පැහැති වස්ත්‍රාභරණයෙන් සැරසී නැගෙනහිර දිශාව බලා
රැකී රක්ෂා සදහා පිටත්ව යාම
අප්‍රේල් 17
අපරභාග 07:56
ළා නිල් පැහැති වස්ත්‍රාභරණයෙන් සැරසී නැගෙනහිර දිශාව බලා
පැල සිටවීම
අප්‍රේල් 19
අපරභාග 11:38
ආයුර්වේද වෛද්‍ය විද්‍යාවේ නිතරම භාවිතා වෙන මිනුම් වර්ග කිහිපයක් තියෙනවා. ඔබත් සිංහල බෙහෙත් එක වරක් හෝ භාවිතා කර ඇත්නම් මේ මිනුම් ඔබටත් හමුවෙලා ඇති.
ඉතින් මෙම මිනුම් පිළිබඳව පොඩි හෝ දැනුමක් තිබීම ඔබට ප්‍රයොජනවත් වේවී.
කළං
අතීතයේ තඹ කාසි දෙවර්ගයක් භාවිතා කල අතර එයින් බර කාසිය කළදක් ලෙස යොදා ගැනිනි. නමුත් වර්තමානයේ එය ග්‍රෑම් 5 ක් ලෙස සළකයි.
මදට
මදටිය ඇට 20 ක බර ප්‍රමාණයයි.
අවුන්ස
මිලි ලීටර් 30 ක ප්‍රමාණයක් අවුන්සයක් ලෙස සළකයි.
පත
පත යනු අඩු කෝප්ප 1කි. පත 8 1 ට සිදුවා ගන්න යනු අඩු කෝප්ප 8 ක ජලය දමා එය එක අඩු කෝප්පයක් වනතුරු හිද ගැනීමයි.
මංචාඩි 1
මිලි ග්‍රෑම් 250 ක බර ප්‍රමාණයක් මංචාඩි 1 ක් ලෙස සළකයි.
ලෝකයටම හිසරදයක් වී ඇති මේ නව කොරෝනා වෛරසය (COVID - 19) දැන් අපිටත් හිසරදරයක් වෙලා කියන එක අමුතුවෙන් කියන්න ඔනෙ දෙයක් නෙමෙයිනේ.
මෙහිදී ඇතිවෙන රෝග ලක්ෂණ ලෙස උණ, හිසරදය, කිවිසුම් යාම, මහන්සිය, ඇග සීතල වීම, දහඩිය දැමීම, දනහිස් කැක්කුම, හතිය ප්‍රධාන වශයෙන් දක්වන්න පුලුවන්.
ඉතින් හොද සෞඛ්‍යය පුරුදු පුරුදුකර ගත්තොත්නම් අපිටත් පුළුවන් වේවි මේ කරදරකාරී වෛරසයෙන් බේරෙන්න.
මේ සඳහා,
මීට අමතරව ශරීරයේ ප්‍රතිශක්තිය වර්ධනයකර ගැනීමත් ඉතාම වැදගත්. යම් හේතුවකින් වෛරසය ඔබට ආසාදනය උනහොත් එය සමඟ හොදින් සටන් කිරීමට ප්‍රතිශක්තිකරණ පද්ධතියට හැකියාව ලැබෙන නිසා.
ඒ සදහා,
ඉතින් මේ දේවල් ගැන දැනටමත් අපිටත් වඩා ඔබ දැනුවත් ඇති නමුත් ඔබ මේ දෙවල් ගැන දැනුවත් වීම විතරක් වැදගත් වන්නේ නෑ වැදගත් වෙන්නේ මේ පුරුදු භාවිතා කිරීමෙන් කොතරම් දුරකට මේ වෛරසයෙන් බේරෙන්න ක්‍රියා කරනවාද කියන එකයි.
ඒ වගේම මෙහිදී ආත්මාර්ථකාමී නොවීම වඩා වැදගත් වෙනවා. යම් හෙයකින් ඔබට මේ වෛරස් රෝගයේ රෝග ලක්ෂණ ඇති බව තේරුම් ගියහොත් ඉක්මනින්ම වෛද්‍යවරයෙක් වෙත හෝ රෝහලක් වෙත යෑම වැදගත් වෙනවා. එහිදී වෛද්‍යවරයා වෙත යනතෙක් ඔබ ඔබේ පවුලේ සාමාජිකයන්ගෙන් ඈත්ව සිටීම වගේම මුඛ ආවරණයක් පැළදීමත් වඩා වැදගත් වෙනවා. ඒ මඟින් ඔබ මෙන්ම ඔබගේ පවුලේ ආරක්ශාව තහවුරු කර ගැනීමටත් ඔබට හැකියාව ලැබේවි.
ලංකා වාසීන්ට මෙන්ම සියලු ලෝ වැසියන්ට මේ වෛරස රෝගයට සාර්ථකව මුහුණ දීමට අවශ්‍ය ශක්තිය ලැබේවා යන්න සුව අරණ අපි ප්‍රාර්ථනා කරමු.
ආහාර මාර්ගයට යම් විසබීජයක් ඇතුළු වීමෙන් ඇතිවන තත්වයක් පාචනය ලෙස හදුන්වනවා. මෙහිදී වයිරස හෝ බැක්ටීරියා මගින් ශරීරය තුළ අසාත්මිකතා ඇති කරනවා. අපිරිසිදු ආහාර පාන මගින් මේ තත්වය ඇතිවෙන්න ප්‍රධානම හේතුව ලෙස දක්වන්න පුළුවන්.
වමනය, බඩ විරේක වීම, බඩේ රුදාව, ඇගපත වේදනාව හා සම වියලීම ආදී රෝග ලක්ෂණ මෙහිදී ඇති වෙනවා.
උතුරවා නිවාගත් පිරිසිදු ජලය පානයෙන්, ආහාර පිරිසිදුව පිස ගැනීමෙන් හා පලා වර්ග හොදින් සෝදා පිරිසිදුව පිස ගැනීමෙන් පමණක් නොව පිරිසිදුව පිසගත් ආහාර සතුන් නොවසන ආකාරයෙන් අසුරා තැබීම මගින්ද මෙම රෝගී තත්වය ඇතිවීම වළක්වා ගන්න පුළුවන්.
මෙහිදී ප්‍රතිකාර වශයෙන් නිවසේදී, 3-4 වරකට වඩා බඩ විරේක වනවානම් ශරීරය විජලනය වීම වැළැක්වීමට ජීවනී, තැඹිලි වතුර, පිරිසිදු ජලය වරින් වර බීමට දීය හැකියි.
බඩ විරේක වීම හා වමනය වැනි තත්වයන් අධිකව ඇති විට නම් වෛද්‍යවරයෙක් වෙත යෑම වඩා සුදුසු වේ.
