රුධිරයේ හිමොග්ලොබින් නම් වූ සංයෝගය අඩු වූ විට ඇතිවන රෝගී තත්වය රක්තහීනතාවය කියන එක අපි කව්රුත් දන්නා දෙයක්. මෙහිදී හිමොග්ලොබින් සැදීමට නම් ආහාර වලින් ලැබිය යුතු සංඝටක වශයෙන් යකඩ, බී 12 විටමිනය, ෆෝලික් අම්ල, ප්‍රෝටීන් තිබීම වැදගත් බව නම් ඔබ ඒ හැටි නොදන්නවා විය හැකියි. ඉතින් මේ සංඝටක නිසි ආකාරයෙන් ඔබේ සිරුරට නොලැබීයාමෙන් රක්තහීනතාවයට ගොදුරු වීමට වැඩි ඉඩකඩක් පවතී. 

යකඩ වලින් පොහොසත් ආහාර ලෙස තෝර කොළ, තම්පලා, නිවිති, ගොටුකොල, බෝංචි වර්ග, කලා ආදිය දක්වන්න පුළුවන්. ෆෝලික් අම්ලය ශාක ආහාර වල බහුලව පවතී. රැගෙන ආ අලුත ගොටුකොල, මුකුණුවැන්න, කතුරුමුරුංගා සම්බෝල වශයෙන් ආහාරයට ගැනීමෙන් ඔබේ ශරීරයට පහසුවෙන්ම මෙම විටමිනය ලබා ගන්න පුළුවන්. විටමින් බී 12, සත්ව ආහාර වශයෙන් සැලකෙන මස්, මාළු, කිරි, බිත්තර ආහායට ගැනීමෙන් ශරීරයට ලබා ගන්න පුළුවන්. 

කාර්යබහුල ජිවිතයක් ගත කරන ඔබ උදැසන කෙටි ආහාර වේලකින් පමණක් සැහීමකට පත් වෙනවා නම් සමබල ආහාර වේලකට හුරුවෙන්න වෙනවා. ඒ වගේම ආහාර ගත් විගස තේ, කෝපි, පානය කිරීම, දුම් පානය, බුලත් විට කෑම නොකළ යුතුයි. ගැබිනි හා කිරි දෙන මව්වරුන් මේ තත්ත්වයෙන් වැළකෙන්න නම් කෙටි ආහාර වලින් වැලකි පෝෂ්‍යදායි ආහාර වේලකට හුරු විය යුතුයි. 

ප්‍රධාන ආහාර වේලකට පසුව කොළ පාට පලතුරු වර්ග ආහාරයට ගැනීම, විටමින් සී අඩංගු දෙහි, දොඩම් යුෂ පානය කිරීම, පලා වර්ග පිසීමේදී අධික ලෙස සේදීම හා පිසීමද නොකළ යුතුයි. ඒ වගේම එළවලු පලතුරු වර්ග දිගු කාලයක් අසුරා තැබීමද නොකළ යුතුයි.

ස්වභාවික නැවුම් එළවලු පලතුරු  ආහාරයට ගැනීම ශරීර සෞඛ්‍යට ඉතා ගුණ දේ. ඒ වගේම ඒවා කොළ පැහැති එළවලු පලතුරු වීමද වඩා වැදගත් වේ. 

මොනරකුඩුම්බිය, හාතාවාරිය, හීන්බෝවිටියා කැඳ මේ සඳහා ගුණදායක වේ. ඒ වගේම රකතහීනතාවයෙන් පෙලෙන රෝගියෙක් සඳහා ව්‍යංජන සකස් කිරීමේදී එළවළු වර්ග බොහෝ වේලා පිසිම නොකල යුතුය. 

ඉතින්, ඔබත් මෙම කෙටි ක්‍රම භාවිතා කර රක්තහීනතාවයෙන් ආරක්ෂා වෙන්න.

පුණ්‍ය කාලය 

අප්‍රේල් 13
අපරභාග 01:59 සිට පූර්වභාග 02:47 

අලුත් අවරුදු උදාව 

අප්‍රේල් 13
අපරභාග 08:23

අහාර පිසීම 

අප්‍රේල් 13
අපරභාග 10:05
සුදු පැහැති වස්ත්‍රාභරණයෙන් සැරසී නැගෙනහිර දිශාව බලා 

වැඩ ඇල්ලීම, ගණුදෙනු කිරීම සහ ආහාර අනුභවය 
අප්‍රේල් 13
අපරභාග 10:43
සුදු පැහැති වස්ත්‍රාභරණයෙන් සැරසී නැගෙනහිර දිශාව බලා 

හිසතෙල් ගෑම 
අප්‍රේල් 15
අපරභාග 07:17
පළාවන් පැහැති වස්ත්‍රාභරණයෙන් සැරසී නැගෙනහිර දිශාව බලා 

රැකී රක්ෂා සදහා පිටත්ව යාම 
අප්‍රේල් 17
අපරභාග 07:56
ළා නිල් පැහැති වස්ත්‍රාභරණයෙන් සැරසී නැගෙනහිර දිශාව බලා 

පැල සිටවීම 
අප්‍රේල් 19
අපරභාග 11:38

ලෝකයටම හිසරදයක් වී ඇති මේ නව කොරෝනා වෛරසය (COVID - 19) දැන් අපිටත් හිසරදරයක් වෙලා කියන එක අමුතුවෙන් කියන්න ඔනෙ දෙයක් නෙමෙයිනේ.

මෙහිදී ඇතිවෙන රෝග ලක්ෂණ ලෙස උණ, හිසරදය, කිවිසුම් යාම, මහන්සිය, ඇග සීතල වීම, දහඩිය දැමීම, දනහිස් කැක්කුම, හතිය ප්‍රධාන වශයෙන් දක්වන්න පුලුවන්.

ඉතින් හොද සෞඛ්‍යය පුරුදු පුරුදුකර ගත්තොත්නම් අපිටත් පුළුවන් වේවි මේ කරදරකාරී වෛරසයෙන් බේරෙන්න.

මේ සඳහා,

• නිතර නිතර අත් සබන් යොදා සෝදන්න.
   
• අපිරිසිදු දෑත් වලින් මුණ කට ආදිය ඇල්ලීමෙන් වළකින්න.
   
• නිතර උණු වතුර පානය කරන්න. මෙහිදී උගුර කට වේලීම වැළැක්වීමට විනාඩි 10 කට වරක්වත් ජලය උගුරක්වත් පානය කරන්න. මෙමගින් වෛරසය ස්වසන පද්ධතියට ඇතුළුවීම යම්තාක් දුරට වළක්වා ගැනීමටත් හැකිවේවි. 
   
• උණු වතුර ස්නානයට යොමු වීමත් වැදගත්.
   
• මුඛ ආවරණ පළදින්න.​​​​​​
   
• තැන තැන කෙළ ගැසීමෙන් වළකින්න.
   
• පොදු ස්ථාන වලින් හැකි තරම් ඈත්ව සිටින්න.

මීට අමතරව ශරීරයේ ප්‍රතිශක්තිය වර්ධනයකර ගැනීමත් ඉතාම වැදගත්. යම් හේතුවකින් වෛරසය ඔබට ආසාදනය උනහොත් එය සමඟ  හොදින් සටන් කිරීමට ප්‍රතිශක්තිකරණ පද්ධතියට හැකියාව ලැබෙන නිසා.

ඒ සදහා,
 

• කොත්තමල්ලි තැම්බු වතුර පානය කරන්න .
   
• වැඩි වශහෙන් සුදු ළුණු, ගම්මිරිස්, කහ, ගොරකා, කරපිංචා, අමු ඉගුරු එදිනෙදා ආහාර වේලට එක් කරගන්න.
   
• අයිස්ක්‍රීම්, පැණි බීම වැනි සීත ආහාර වලින් වළකින්න.
   
• පොලොස්, පිපිඤඤා, රතු ළූණු, නිවිති, බ්‍රොකලි, වැටකොලූ වැනි ආහාර වැඩි වශයෙන් ආහාරයට ගන්න.
• පළතුරු වශයෙන් දෙළුම්, ගස්ලබු, පැගිරි කුලයේ පළතුරු, කොමඩු වැඩි වශයෙන් ආහාරයට ගන්න.
   

ඉතින් මේ දේවල් ගැන දැනටමත් අපිටත් වඩා ඔබ දැනුවත් ඇති නමුත් ඔබ මේ දෙවල් ගැන දැනුවත් වීම විතරක් වැදගත් වන්නේ නෑ වැදගත් වෙන්නේ මේ පුරුදු භාවිතා කිරීමෙන් කොතරම් දුරකට මේ වෛරසයෙන් බේරෙන්න ක්‍රියා කරනවාද කියන එකයි.

ඒ වගේම මෙහිදී ආත්මාර්ථකාමී නොවීම වඩා වැදගත් වෙනවා. යම් හෙයකින් ඔබට මේ වෛරස් රෝගයේ රෝග ලක්ෂණ ඇති බව තේරුම් ගියහොත් ඉක්මනින්ම වෛද්‍යවරයෙක් වෙත හෝ රෝහලක් වෙත යෑම වැදගත් වෙනවා. එහිදී  වෛද්‍යවරයා වෙත යනතෙක් ඔබ ඔබේ පවුලේ සාමාජිකයන්ගෙන් ඈත්ව සිටීම වගේම මුඛ ආවරණයක් පැළදීමත් වඩා වැදගත් වෙනවා. ඒ මඟින් ඔබ මෙන්ම ඔබගේ පවුලේ ආරක්ශාව තහවුරු කර ගැනීමටත් ඔබට හැකියාව ලැබේවි.

ලංකා වාසීන්ට මෙන්ම සියලු ලෝ වැසියන්ට මේ වෛරස රෝගයට සාර්ථකව මුහුණ දීමට අවශ්‍ය ශක්තිය ලැබේවා යන්න සුව අරණ අපි ප්‍රාර්ථනා කරමු.