ජලය කියන්නේ අත්‍යවශ්‍ය සාධකයක් කියන එක අපි හැමෝම දන්නා රහසක්. කිසිම අපහසුවකින් තොරව තවමත් පිරිසිදු පානිය ජලය සොයා ගන්න පුළුවන් වටපිටාවක ජිවත් වෙන අපි, ජලය පානයෙන් ලැබෙන වැසි ගැන හරියට තේරුම් අරගෙන නැති නිසා වර්තමානයේ බොහොමයක් ලෙඩරෝග වලින් පීඩා විදිනවා.
ඉතින් ඔබ තුල ඇති වැරදි අවබෝධයන් නැති කරගෙන අද ඉන්දන්වත් හරියට වතුර බොන්න පුරුදු වෙන්න.
නිරෝගීව ජිවත්වීමට පෝෂ්‍යදායී ආහාර වේලක් වගේම ජලයද අත්‍යවශ්‍ය සාධකයක් බව ඔබ මතක තබා ගත යුතුම දෙයක්. සාමාන්‍යයෙන් අපේ ශරීරයට දවසකට වතුර වීදුරු 08ක් වත් පානය කිරීම අත්‍යවශ්‍යයි. නමුත් ඔබ දවසකට වතුරු වීදුරු 08ක් බොන්න ඕනේ කියලා, ඔබට මතක් වුන වෙලාවක එකපාරම වතුර විදුරු ගණන් බොන එක නම් වැරදියි. මොකද ඒකෙන් වෙන්න නැති ලෙඩ දාගැනීමක් විතරයි.
ඔබ කාර්යබහුල පුද්ගලයෙක් වුනත්, පැය 1/2 කට සැරයක් වතුර උගුරු 3 ගානේ වත් බොන්න පුරුද්දක් ඇතිකර ගත්තොත් ඔබට නොදැනීම දවසට අවශ්‍ය ජල ප්‍රමාණය ලබා ගන්න පුළුවන්. මේ විදිහට වතුර බොන එක අපේ ශරීර සෞඛ්‍යයට ඉතාමත් යහපත්. නමුත් සමහරු සැරින් සැරේ washroom යන්න වෙන නිසා වතුර බොන එක හිතාමතාම අතපසු කරනවා. ඒ වුනත් මේ විදිහට වතුර බොන්න පුරුදු වුනොත් නම් ඔබට washroom යන එක ලොකු ගැටළුවක් වෙන එකක් නම් නැහැ .
ඔබ වතුර බොද්දි කරන තවත් වැරැද්දක් තමයි, කෑම ගන්න අතරතුර වතුර බොන්න පුරුදු වෙලා ඉන්න එක. එමගින් ආමාශයෙන් ශ්‍රාවය වන ආමාශයික යුෂය තනුක වී ආහාර දිරවීමේ ගැටලු ඇති වෙන්න පුළුවන් වගේම කෑම කාලා ඉවර වෙච්ච ගමන් වතුර විදුරු ගණන් බොන එකත් ශරීරයට හොද නැහැ. කෑම කෑවට පස්සේ වතුර උගුරක් දෙකක් බොන එක වගේම පැය 1/2 කට පස්සේ වතුර උගුරු කිහිපයක් බොන්න පුරුදු වෙන්න එකත් හොදම ක්‍රමය විදිහට හදුන්වන්න පුළුවන්. ඒ වගේම ව්‍යායාම කරපු ගමන්, කෑම ගොඩක් අරන් ඉන්න වෙලාවටත් එකපාර වතුර ගොඩක් බොන එකත් සුදුසු වෙන්නෙ නැ.
පුරුද්දක් විදිහට ඔබ උදෑසන හිස්බඩ මදරස්නෙන් වතුර වීදුරුවක් බොන්න. නින්ද නිසා පැය 8 ක් විතර වේලිච්ච ඔබේ ශරීරයට මේ වැටෙන වතුර වීදුරුවා නිසා ඔබේ මුළු ශරීරයම ප්‍රාණවත් කරන්න උදව් වේවි. හැබැයි වතුර බීලා පැය 1/2 ක් විතර යනකම් කිසිම ආහාරපානයක් ගන්න එපා. ඒ වගේම ඔබ ගැස්ට්‍රික් රෝගයෙන් පීඩාවිදිනවානම් මේ පුරුද්දෙන් ඔබට යහපත් ප්‍රතිඵලයක් ලබා ගන්න පුළුවන් වේවි. ඒ වගේම ඔබ තරමක් ස්ථුල පුද්ගලයෙකු නම් උදෑසන අවදි වූ වහාම මදරස්නෙ වතුර වීදුරුවකට මී පැණි තේ හැඳි 1/2 ක් පමණ දමා බොන්න එය ස්ථුලභාවය මට්ටු කරන්න ඔබට උදව් වේවි.
නිවැරදිව ජලය පානය කිරීමෙන් ඔබට වැළඳෙන බොහෝ රෝගාබාධවලින් මිදීමට අවස්ථාව පවතී. මූලිකවම ආහාර මාර්ගය ආශ්‍රිතව ඇතිවන රෝගවලින් වැළකී සිටීමට ඔබට හැකිය. මලබද්ධය, අර්ශස්, ග්‍රහණි, ගෑස්ටයිට්‍රිස් (අම්ලපිත්ත) මෙහිදී විශේෂ වෙයි.
එමෙන්ම, හිස ආශ්‍රිතව ඇතිවන රෝග – ඉරුවාරදය, කොඳු ඇට පෙළ ආශ්‍රිතව ඇතිවන රෝග, විශේෂයෙන් බෙල්ල ආශ්‍රිතව ඇතිවන රෝග වළක්වාගත හැකිය. මීට අමතරව, අස්ථි සම්බන්ධ රෝග (වාතකන්ටිකා) – උදෑසන නැගිටින විට විලුඹ බිම තැබීමට ඇති අපහසුතාව වළක්වාගත හැකි අතර, ශරීරයේ ඇති අනවශ්‍ය මේදය හා කොලොස්ටරෝල් ඉවතට ගමන් කිරීමද සිදුවෙයි.
එසේම, සමහර රෝග සඳහා ජලය ඖෂධයක් ලෙසද භාවිත වන බවද සඳහන් කළ යුතුය. එමෙන්ම, වකුගඩු ආශ්‍රිත රෝග – මුත්‍රා ගල් ඇතිවීමද නිවැරදිව පිරිසුදු ජලය පානය කිරීමෙන් වළක්වා ගන්න පුළුවන්.
ජලය නිසි ලෙස පානය කිරීමෙන් ඔබගේ සම නිරෝගී වීම හා පැහැපත් වීම, සෛල නිතර අලුත්වැඩියා වීමෙන් ඔබේ වයසට යෑමේ වේගයද අඩුවන බවද සිහියේ තබාගන්න.
එමෙන්ම, ජලය පානය කිරීමෙන් මතක තබාගැනීමේ ශක්තිය හා සිතීමේ ශක්තිය වර්ධනය කරගැනීමටද ඔබට හැකි වේ.
පහසුව නිසා වර්තමානයේදී දෙමවුපියන් තම දරුවන්ට නිරන්තරයෙන් කෘතීම වසවිෂ සහිත ආහාර පාන ලබාදීමට පෙළඹී තිබෙනවා. ඔවුනට ජලය වැඩිපුර පානය කිරීමට දීමෙන් එම ආහාරවල ඇති විෂ ගතිය මූත්‍ර සමග පෙරී යාමට උපකාරී වන බවද මෙහිලා සඳහන් කළ යුතුය.
මේ ලිපියෙන් ඔයාලා වතුර බොන art එක ගැන දැනගත්තනේ ඉතින් try කරලා බලන්නත් අමතක කරන්න එපා.
කතුරුමුරුංගා කියන්නෙ අපි ප්‍රධාන වශයෙන් මැල්ලුමක් හෝ වෑංජනයක් වශයෙන් ආහාරයට ගන්නා ශාකයක්. මෙහිදී කතුරුමුරුංගා ගහේ කොළ හා මල් ආහාරයට යෝදා ගන්නා අතරම මුල් හා පොතු ඖෂධ වශයෙන් යොදා ගනී. අපි එළවලුවක් ලෙස පමණක් ආහාරයට ගන්නා මෙහි බොහෝ ගුණ අන්තර්ගත වේ.
කතුරුමුරුංගා මල් හා කොළ දරුවන්ගේ බුද්ධි වර්ධනයට උපකාරී වේ. ඇස් පෙනීමේ දුර්වලතා, මුත්‍රා මාර්ගයේ ආසාදන, සමේ තුවාල, රත්පිත් රෝග, නින්ද නොයෑමට, ගර්භාෂයේ ඉදිමුම්, හන්දි ඉදිමුම්, කාන්තාවන්ගේ ශ්වේත ප්‍රදර රෝගයට, යටි පතුල් පැලීම්, මුඛයේ තුවාල වලට වගේම සෙම් රෝග සඳහාත් කතුරුමුරුංගා ගුණ දේ. ඒ වගේම බඩගින්න වඩවයි.
කතුරුමුරුංගා මල් වියලා කුඩු කර තේ මෙන් බීමත් ගුණදායකයි. ඒ වගේම මල් තම්බා බොන්නත් පුලුවන්.
කතුරුමුරුංගා මල් එළගිතෙලෙන් බැද ආහාරයට ගැනීමෙන් රාත්‍රියේ ඇස් පෙනීමේ දුර්වලතාවයන්ට ගුණ දේ.
හන්දි ඉදිමුම් වලට කතුරුමුරුංගා කොළ හා පොතු ඇල්දියෙන් අඹරා ගෑමෙන් සුව දේ.
- මව්බිම පුවත්පත ඇසුරිනි-
මීටර් 8 ක් දක්වා උසට පඳුරු ලෙස වැවෙන කුඩා ශාකයක් ලෙස හඳුනා ගත හැකි නික ශාකය බොහෝ රෝග සඳහා අත් බෙහෙතක් වශයෙන් යොදා ගනී. වැඩුණු ශාකයෙහි කඳ රතු දුඹුරු පැහැයක් ගන්න අතරම ලපටි අතු සුදුපැහැ බවකින් යුක්ත වේ. මලේ වර්ණය අනුව වර්ග දෙකක් ඇති අතර වසර පුරාම මල් හට ගනී. කොළ, මල්, මුල්, පොතු හා ගෙඩි වශයෙන් මුළු ශාකයම ඖෂධ ලෙස යොදා ගනී. නික කොළ කෘමි සතුන් විසර්ජකයක් ලෙසද ක්‍රියා කරයි.
වාත රෝග, ඉදිමුම්, ආතරයිට්ස්, දද, කුෂ්ට, ඇස් රෝග, කර්ණ රෝග, නාග විෂ, ප්ලිහාව ඉදිමීම, පණු රෝග ආදී රෝග සඳහා නික ගුණ දේ. පනුවන් සහිත තුවාල පිරිසිඳු කිරීමට යොදා ගනී. වයසට යාම වලකා තරුණ බව ආරක්ෂා කරයි. පත්‍ර යුෂ පිළිකා සෛල මර්දන හැකියාව ඇතැයි සැලකේ.
ප්‍රතිකාර
- සැකසුම : මව්බිම පුවත්පත ඇසුරිනි -
ඉතාම වටිනා ඖෂධයක් වන අක්කපාන තිත්ත හා ඇඹුල් රසයෙන් යුක්තයි. මුත්‍ර දැවිල්ල, මුත්‍ර හිරවෙන ගතිය හා මුත්‍රාවල ගල් ආදී මුත්‍රා රෝගවල විශේෂිත වූ ඖෂධයක් ලෙස අක්කපාන කා අතරත් ප්‍රසිද්ධයි.
ඒ වගේම වකුගඩු රෝග වලට, අක්ෂි රෝග, තැලුම්, තුවාල , උෂ්ණ රෝග ආදියටද අක්කපාන ගුණ දේ.
අක්කපාන සම්බෝලයක් ලෙස ආහාරයට ගැනීමෙන් අම්ල පිත්ත රෝගය සුවකර ගන්න පුලුවන්. ඒ වගේම මෙම සම්බෝලය මාසයක් පමණ ආහාරයට ගන්නා විට මුත්‍රා ගල් දිය වි යනවා.
මුත්‍රා රෝග සඳහා,
- සැකසුම : මව්බිම පුවත්පත ඇසුරිනි -
දිනපතා ගොටුකොළ පානය කිරීමෙන් ශරීරයේ තිබෙන විස නසන්න හැකිවන බව පැවසුවොත් ඔබ පිළිගන්නවාද…?
Read Moreගොටුකොල කියන්නේ ඖෂධීය ශාකයක්. ඊට අමතරව එය එළවළුවක් ලෙසත් ආහාරයට ගන්න පුළුවන්. ගොටුකොලවල වල විටමින් වර්ග බහුලව අඩංගු වෙන නිසා ගොටුකොළ පානය මගින් බොහෝ රෝග සුවකර ගැනීමේ හැකියාවක් තිබෙනවා.
ශරීරයේ දැවිල්ල, උෂ්ණාධික රෝග, සෙම් රෝග, අක්ෂි රෝග, පීනස් රෝග, හිසකෙස් ආශ්‍රිත රෝග සුව කිරීමේ බලයත් මේ ගොටුකොළ සතුව තිබෙන බව සොයාගෙන තියෙනවා. ඒ වගේම ධාරණ ශක්තිය වර්ධනය කිරීමේ හැකියාවත් මේ ගොටුකොළ සතුයි.
අද වනවිට බොහෝ දෙනා උදැසනට කිරි වීදුරුවක් පානය කරන්න පුරුදු වෙලා ඉන්නවා. නමුත් ඒ වෙනුවට උදැසන හිස්බඩ ගොටුකොල වීදුරුවක් පානය කලොත් ඔබට හිතාගන්නවත් බැරි පෝෂණයක් ඔබේ සිරුරට ලබාගන්න පුළුවන්. ඒවගේම බොහෝ රෝග සුව කර ගන්නත් ඔබට හැකි වේවි.
මේ සඳහා ඔබට අවශ්‍ය වන්නේ හොදින් පිරිසිදු කරගත් ගොටුකොළ මිටක් හා රතුලූණු ගෙඩි කිහිපයක් පමණයි. මේ සියල්ල එකට දමා කොටා ගත් යුෂ උදැසන හිස්බඩ පානය කිරීමෙන් යහපත් ප්‍රතිපල ලබා ගන්න.
රුව වඩවන ඖෂධීය ශාක අතුරින් මුල් තැනක් ගන්නා කෝමාරිකා විටමින් A, C, E, B1, B2, B12, ෆෝලික් ඇසිඩ්, යකඩ, පොටෑසියම්, මැග්නීසියම්, සෝඩියම් ආදී පෝෂ්‍ය පදාර්ථ රාශියකින් සමන්විත වේ. කෑම අරුචිය, අර්ශස්, බඩ පුරවා දැමීම, මළ බද්දය ආදී ආමාශ ගත රෝග සඳහාද රුධිර ගත කොලෙස්ටරෝල් පාලනයට, අක්මාව ඉදිමීම හා ප්ලිහාව ඉදිමීම පාලනය කරනවා වගේම සම ආශිත රෝග, හිසකෙස් ආශිත රෝග සඳහාද කෝමාරිකා යොදා ගනී. ඒ වගේම කෝමාරිකා යුෂ හදවත් සෞඛ්‍යය ආරක්ෂා කිරිමෙහිලාද කටයුතු කරයි.
කෝමාරිකා ශාකයේ අඩංගු ඖෂධීය ගුණයන් නිසා එය වයස්ගත වීම ප්‍රමාද කරවයි. එහි ඇති වෛරස් ප්‍රතිරෝධී ගුණය සම මත ක්‍රියාකර සම නැවුම්ව, රැලි රහිතව, ලිහිල්ව මෙන්ම දීප්තිමත්ව පවත්වා ගැනීමට උදව් වේ.
ඔබ කෝමාරිකා බාහිර වශයෙන් භාවිතා කළහොත්, තුවාල වැස්ම සඳහා එය හොඳම විකල්පය ලෙස හදුන්වාදිය හැක. ලේ ගලන තුවාලයක් මත කෝමාරිකා යුෂ ආලේප කිරීමෙන් එය වැස්මක් සේ ක්‍රියාකර ලේ ගැලීම ක්ෂණිකව නැවතීමට කටයුතු කරයි.
රන්වන් පැහැති සමකට : කෝමාරිකා යුෂ එලකිරි සමඟ මිශ්‍ර කර ශරීරයේ ආලේප කර පැයකට පසු ස්නානය කරන්න.
කැළල් සඳහා : කෝමාරිකා යුෂ ආසාදිත ස්ථානයේ අලේප කර විනාඩි 30 කට පසු සෝදා හරින්න.
හිසකෙස් වල කලු පැහැය ආරක්ෂා කර ගැනීමට : කෝමාරිකා මදය හිසකෙස් වල ආලේප කර විනාඩි 10 කට පසු ස්නානය කරන්න.
කෙස් මෘදු කිරීමට : කෝමාරිකා යුෂ මේස හැදි 3ක්, යෝගට් මේස හැදි 2ක්, ඔල්ව් තෙල් මේස හැදි 3 ක් එකට කලවම් කර කෙස් වල ආලේප කර විනාඩි 15 කට පසු ස්නානය කරන්න.
දන්ත හා විදුරුමස් රෝග සඳහා : දත් බුරුසුව මත කෝමාරිකා යුෂ තවරා එයින් දත් මදින්න.
ඉතින් ඔයාලා දැන් කෝමාරිකා වල ඇති ගුණ ගැන දැනුවත්නේ, මේ වටිනා ශාකය ඔයාගේ ගෙදර නැත්නම් පුළුවන් ඉක්මනට කෝමාරිකා පැළයක් හොයා ගෙන ගෙදර හිටව ගන්න. මොකද දවසක ඔයාලට ඒකෙන් ලොකු ප්‍රයෝජනයක් ගන්න පුළුවන් වෙයි.
